दक्ष न्यूज- फुल उत्पादकांच्या समस्या सोडवण्यासाठी योगेश तिडके यांची पणन मंत्री जयकुमार रावल यांच्याशी चर्चा

दक्ष न्यूज: संतोष विधाते

नाशिक: मुंबईतील दादर परिसरातील फुल विक्रेत्यांना अधिकृत मंडीची सोय उपलब्ध करून देण्यासाठी भारतीय जनता पार्टीचे जिल्हाउपाध्यक्ष योगेश तिडके यांनी महाराष्ट्र राज्याचे पणन मंत्री जयकुमार रावल यांची भेट घेतली. या बैठकीत फुल उत्पादक शेतकऱ्यांच्या समस्या मांडून त्यावर उपाययोजना करण्याची मागणी करण्यात आली.

महाराष्ट्रातील विविध भागांतून शेतकरी आपली फळे, फुले आणि भाजीपाला विक्रीसाठी मुंबईत आणतात. परंतु, मुंबईसारख्या देशातील सर्वात मोठ्या शहरात अजूनही फुल विक्रेत्यांसाठी स्वतंत्र बाजारपेठ नसल्याने शेतकऱ्यांना अडचणींचा सामना करावा लागतो. दादर परिसरातील मिनाताई ठाकरे फुल मंडई ही पारंपारिक फुलांसाठी प्रसिद्ध आहे, परंतु शोभेची फुले (कट फ्लॉवर) विक्रीसाठी कोणतीही विशेष सोय नाही.

शेतकऱ्यांच्या समस्यांचा आढावा:

सध्या शेतकऱ्यांना रस्त्यावर फुले विकावी लागतात, ज्यामुळे पोलिस आणि महानगरपालिका प्रशासनाने त्यांच्यावर कारवाई करून विक्रीसाठी आणलेली फुले फेकून देण्याचे प्रकार घडतात. परिणामी, शेतकऱ्यांचे मोठे आर्थिक नुकसान होत आहे. पारंपारिक फुलांसोबतच कट फ्लॉवरची मागणीही मोठ्या प्रमाणावर वाढत आहे. त्यामुळे शेतकरी या फुलांच्या शेतीकडेही वळत आहेत. मात्र, योग्य बाजारपेठ नसल्याने या उत्पादकांना आपल्या मालाचा योग्य भाव मिळत नाही.

दादर परिसरात फुलांसाठी अधिकृत बाजारपेठेची मागणी

योगेश तिडके यांनी बैठकीदरम्यान फुल विक्रेत्यांसाठी दादरमध्ये कट फ्लॉवर आणि शोभेच्या फुलांसाठी अधिकृत फुल विक्री मंडी तयार करण्याची मागणी केली. या मंडीमध्ये व्यापारी व शेतकरी समिती तयार करून महाराष्ट्रातील शेतकऱ्यांना विक्रीसाठी सोयीस्कर जागा उपलब्ध करून देण्याची आवश्यकता आहे. शिवाय, शेतकऱ्यांसाठी गेस्ट हाऊस, पार्किंगची सोय आणि कोल्ड स्टोरेजची सुविधा असावी, असेही ते म्हणाले.

दादर हे मुंबईतील पश्चिम, मध्य आणि हार्बर रेल्वे मार्गांसाठी केंद्रबिंदू असल्याने शेतकऱ्यांसाठी येथे माल विक्री करणे सोयीस्कर ठरते. त्यामुळे या ठिकाणी शेतकऱ्यांसाठी मंडी तयार केल्यास मोठ्या प्रमाणात फायदा होईल, असे तिडके यांनी सांगितले.

दादर परिसरात कटप्लॉवर/शोभेची फुलांकरिता अधिकृत बाज फुल विक्रेता मंडी होणे गरजेचे आहेत व तिथे व्यापारी कमिटी व शेतकरी कमिटी तयार करून महाराष्ट्रातील अनेक शेतकरी तिथे येतात त्यांच्यासाठी गेस्ट हाऊस व पार्किंग सोय करून द्यावी या भेटी प्रसंगी भाजपा जिल्हाउपाध्यक्ष योगेश तिडके जानोरी गावचे उपसरपंच हर्षल काठे रेवचंद वाघ राजकुमार वाघ उपस्थित होते.