श्रावण सोमवार निमित्त त्र्यंबकेश्वर येथे येणाऱ्या भाविकांना दक्षतेचे आवाहन…
दक्ष न्युज : प्रतिनिधी
नाशिक : जिल्ह्यातील त्र्यंबकेश्वर येथे 5 ऑगस्ट ते 2 सप्टेंबर 2024 या कालावधीत श्रावण सोमवार निमित्त यात्रेसाठी सुमारे दोन ते तीन लाख भाविक दर्शनासाठी व प्रदक्षिणेसाठी येतात. यात्रा काळात भाविकांच्या सुरक्षिततेसाठी पोलीस विभागामार्फत करण्यात येत असलेल्या सूचनांचे पालन करावे, असे आवाहन पोलीस अधीक्षक नाशिक (ग्रामीण) विक्रम देशमाने यांनी केले आहे.
- यात्रा काळात भाविकांना खालील सुचनांचे करावे लागणार पालन…
▪️ भाविकांनी आपल्या सोबत कमीत कमी सामान आणावे
▪️ यात्रेकरूनी आपल्या सोबत मौल्यवान चीज वस्तू आणु नये.
▪️ मंदिरात भाविकांना बॅग्स व पिशव्या इत्यादी नेण्यास प्रतिबंध करण्यात आला आहे.
▪️ यात्रेत कोणतीही बेवारस अगर संशयित वस्तु आढळून आल्यास स्पर्श न करता त्वरीत पोलीसांच्या निदर्शनास आणावे.
▪️ कोणतीही व्यक्ती संशयास्पद हालचाली करीत असल्यास याबाबत पोलीसांच्या निदर्शनास आणावी.
▪️ भाविकांनी आपली वाहने पार्किंगच्या ठिकाणीच पार्क करावीत
▪️ यात्रेत कुठल्याही अफवांवर विश्वास न ठेवता कोणी जाणुन-बुजुन अफवा पसरवत असल्यास तसे पोलीसांना तात्काळ कळविण्यात यावे.
वरील सर्व सूचनांचे नागरिकांनी पालन करून पोलीस प्रशासनास सहकार्य करावे, असे आवाहनही पोलीस अधीक्षक नाशिक (ग्रामीण) विक्रम देशमाने यांनी केले आहे.
